Ավարտված
ՊԱՌԱՎԱՔԱՐԻ ԴՊՐՈՑԻ ԽԱՂԱԹԱՔՍՏՈՑ
| Ծրագրի անվանումը | Խաղաթաքստոց Պառավաքարի դպրոցի համար |
| Գտնվելու վայրը | Տավուշ, Բերդի շրջան |
| Ծրագրի նկարագրությունը | Ապահով թաքստոցի կառուցում՝ կահավորված սանիտարական հանգույցով, օդափոխության համակարգով, դպրոցական և խաղալու պարագաներով: |
| Ծրագրի կարգավիճակը | Մեկնարկը կտրվի անհրաժեշտ գումարը հավաքագրելուն պես: |
| Ծրագրի արժեքը | $1940 |
| Հավաքագրված գումարը | $1940 |
| Ազդեցությունը | Դպրոց հաճախող երեխաների և ուսուցիչների համար անվտանգ միջավայրի ապահովում: Արտակարգ իրավիճակներում երեխաները կգտնվեն ապահով միջավայրում, կնվազի սթրեսի ազդեցությունը և վախը, կստեղծվի դրական միջավայր շփման և խաղի համար: |
| Ծրագրի ղեկավարումը | Պահապան հիմնադրամը կվերահսկի ծրագիրը՝ ապահովելով դրա իրականացումը սահմանված ժամկետներում, և ծրագրի արդյունքները կտեղադրվեն կայքէջում: |
Նախապատմությունը
Պառավաքարը գողտրիկ և փոքր գյուղ է Հայաստանի Տավուշի մարզում՝ սահմանակից Ադրբեջանին: Տավուշի բազմաթիվ այլ գյուղերի նման Պառավաքար գյուղը նույնպես ենթարկվել է վտանգի և տառապանքների Ադրբեջանի կողմից հրադադարի հաճախակի խախտումների պատճառով: 2017 թվականի հուլիսի 28-ին ադրբեջանական կրակոցների հետևանքով վիրավորվել էր զինվոր: Չնայած պետական սահմանի երկայնքով ադրբեջանական կողմից հաճախակի արձակվող կրակոցներին՝ ամբողջ Տավուշում, այդ թվում՝ Պառավաքարում, դպրոցները յուրաքանչյուր ուսումնական տարի իրենց դռներն են բացում աշակերտների առջև:
Կարիքը
Պառավաքարի դպրոց հաճախում են ավելի քան 215 երեխա: 2017 թվականին Պառավաքարի տեղական դպրոցն ունեցել է 24 առաջին դասարանցի: Դպրոցը կարիք ունի ապահով մի վայրի, որտեղ երեխաներն ու իրենց ուսուցիչները կկարողանան թաքնվել հաճախակի կրկնվող կրակոցների ժամանակ: Ուստի, Պահապան հիմնադրամը նպատակ ունի կառուցել ապահով խաղաթաքստոց և ապահովել այն անհրաժեշտ հարմարություններով, սարքավորումներով, կահույքով՝ դարձնելով այն առավել հարմարավետ և ապահով:
Ամբողջ աշխատուժը կհրավիրվի գյուղից և սարքավորումների նյութերը կգնվեն Տավուշից՝ դրանով իսկ ստեղծելով ժամանակավոր աշխատատեղեր և խթանելով տեղական տնտեսությունը:
Ծրագրի արժեքը կազմում է գրեթե 2100 ԱՄՆ դոլար (1,008,000 ՀՀ դրամ):
Խաղաթաքստոցի կառուցմանը հանգանակած անձանց մասին տեղեկատվությունը կարտացոլվի «Դպրոցի վերանորոգման զեկույցում» և Պահապան հիմնադրամի կայքէջում:
Մենք սիրով կողջունենք Ձեզ գյուղն այցելելու և դպրոցը, որին Դուք օգնել եք, տեսնելու նպատակով:
